Пожар во кругот на ОХИС, нема информации за горење на какви било опасни материи

Во поранешната фабрика ОХИС гори дрвна маса, а има и опожарен оџак, информираат од Центарот за управување со кризи (ЦУК). Оттаму велат дека по добиениот повик на единствениот телефонски број 112 ги известиле противпожарните служби.

„Гаснењето на пожарот во ОХИС е во завршна фаза. Нема информации за горење на какви било опасни материи. Веднаш откако ќе биде изгаснат ќе имаме повеќе информации околу пожарот“, велат од ЦУК.

За две недели ова е вторпат да има пожар во кругот на ОХИС. Претходно гореше сува трева зад фабриката.