Наплатата на туристичката такса проблем за Општина Дојран
Наплатата на туристичката такса во Општина Дојран и понатаму претставува најголем проблем. Се претпоставува дека ова лето имало околу 100 илјади ноќевања, но наплатата е слаба, заради што најавени се почести контроли и инспекции кај сместувачките капацитети...
Издавачите на студија и апартмани во Дојран редовно не ги пријавуваат гостите и затоа нема официјална бројка на регистрирани ноќевања. Вака тврди градоначалникот Анго Ангов според кого наплатата на туристичката такса е многу мала. Најави почести контроли и инспекции на сместувачките капацитети.
Ангов најави дека овие денови ќе започне организирањето туристички тури културно историските локалитети и споменици со цел Дојран да биде атрактивен и во претстојниот период.
Најголемиот дел од гостите ова лето во Дојран се од Македонија, но и од Србија кои ова туристичко место го користат како попатна станица за Грција и отседнуваат по неколку дена.
Ване Трајков