Џафери: Лага е дека сум примил каков било материјал од екс-премиерот

Нема никаква вистина во тоа дека претседателот на Собранието од екс-премиерот примил каков било допис и или каков било материјал. Тоа е невистина којашто само служи за дневно-политички цели, изјави денеска претседателот на Собранието, Талат Џафери.

Тој истакна дека Собранието добива материјали од овластени предлагачи, во форма која е пропишана со Деловникот.

„Не би сакал да користам несоодветни зборови, коишто ги заслужува таквата инсинуација, но оставам на совеста на тие што шпекулираа со јавноста“, нагласи Џафери.

Потпретседателот на ВМРО-ДПМНЕ, Александар Николоски вчера во интервју за 360 степени сподели материјали за кои тврдеше дека се дел од тајна комуникација меѓу поранешниот претседател на ВМРО-ДПМНЕ, Никола Груевски, лидерот на ДУИ, Али Ахмети, претседателот на Собранието, Талат Џафери, и уште едно лице. Во интервјуто за 360 Степени Николоски го покажа УСБ-то, велејќи дека информациите ги добиле од свиркач.