Најмалку 100 лица загинаа, 150 се повредени во пожар на свадба во северен Ирак

Најмалку 100 лица загинаа, а 150 се повредени во пожар на свадба во северен Ирак. Според првичните информации пламените јазици најверојатно биле предизвикани од огномет. Властите велат дека запаливите градежни материјали придонеле за брзо ширење и уривање на објектот.

„Повеќето од повредените се со големи изгореници. На некои други им изгореле 50 до 60 проценти од телата. Ова воопшто не е добро. Поголемиот дел од нив не беа во добра состојба. Повеќето од нив беа млади мажи и жени“, изјави Ахмед Дубардани-заменик-шеф на дирекцијата за здравство.

Ирачките федерални власти и властите во полуавтономниот регион Курдистан, испратиле амбулантни возила и медицински тимови на местото на трагедијата.