НАТО потпиша договор за 2,4 милијарди евра за муниција за Украина

Руските системи за противвоздушна одбрана синоќа уништиле 11 украински беспилотни летала над регионите Курск и Калушка. Генералниот секретар на НАТО, Столтенберг, за време на ненајавената посета на Киев, изјави дека Киев добива сила во контраофанзивата. Потпишан договор за 2,4 милијарди евра за муниција за Украина. Зеленски вели дека работат на кандидатурата за членство во Алијансата.

„Украина заслужува да стане членка на НАТО. Тоа е задолжително. И ова не е само нашата украинска амбиција. Ова е единствената ефективна безбедносна перспектива за Европа која гарантира вистински траен мир“, изјави Володимир Зеленски-претседател на Украина.

Во исто време, Кремљ објави дека е неопходно зголемување на трошоците за одбрана во буџетот за следната година бидејќи, како што велат, Русија е во хибридна војна што се води против неа.