Над 11.000 натпреварувачи од 53 земји ќе учествуваат Виз Ер Скопски маратон 2023

Во недела (1 октомври) на 19-то издание на Виз Ер Скопски маратон, преку 11.000 натпреварувачи од 53 земји ќе учествуваат, информира Кире Синадиновски, спортскиот директор на трката. Од македонските натпреварувачи, најмногу се очекува од Дарио Ивановски кој има амбиции да се пласира на Олимпијадата во Париз следната година.

Учесниците на Виз Ер Скопски маратон, стартните пакети ќе можат да ги подигнат утре и в сабота од 10 до 20 часот во СЦ „Јане Сандански“.

Покрај маратон, в недела ќе се трчаат и полумаратон, штафетен маратон и трката на 5 км.

Фото: / Facebook Wiz Air Skopje