Во Собрание седница на Комисијата за прашања на изборите и именувањата

Во Собранието денеска ќе се одржи седница на Комисијата за прашања на изборите и именувањата на која на дневен ред се повеќе точки.

Предвидено е пратениците да расправаат за утврдување предлог-одлуки за избор на здруженија од областа на човековите права, полициското право и правосудството, за Народниот правобранител-механизам за граѓанска контрола, за именување член на Комисијата на Агенцијата за пошти, за разрешување и именување на претседател и членови на Советот за статистика на Република Северна Македонија, за именување на претседател и член на Управниот одбор на Агенцијата за цивилно воздухопловство, за именување на член на Државната комисија за жалби по јавни набавки, за именување на член на Комисијата за заштита на конкуренцијата.

Комисијата треба да ги утврди и предлог-одлуките за именување на претседател и членови на Одборот за доделување на државната награда „Мајка Тереза“, за именување на претседател и членови на Одборот за доделување на државната награда „Св. Климент Охридски“, за именување на претседател и членови на Одборот за доделување на државната награда „Мито Хаџи Василев Јасмин“, за именување на претседател и членови на Одборот за доделување на државната награда „22 Ноември“ и за именување на претседател и членови на Одборот за доделување на државната награда „Мето Јовановски“.