Предлог деловникот на Собранието на дневен ред на денешната пленарна седница

Претседателот на Собранието, Талат Џафери, го поднесе во редовна собраниска процедура Предлог деловникот за работа на Собранието, којшто е плод на повеќегодишна посветена работа на учесниците во процесот на дијалогот Жан Моне.

Најпрво ќе се разгледува на Собраниската комисија, а потоа треба да се усвои на пленарна седница. Предлог деловникот е предвидено да почне да се применува од наредниот пратенички состав.

Основните решенија на овој Предлог деловник како консензуален правен акт, ќе придонесат за зголемување на ефикасноста и квалитетот на функционирањето на Собранието, а ќе се избегнат досегашните можни недоследности и недоречености кои постоеја во постојниот Деловник.