Тајван погоден од тајфунот „Коину“, 190 луѓе се повредени

Најмалку 190 луѓе се повредени откако јужните делови на Тајван беа погодени од тајфунот Коину. Тајфунот од 4-та категорија, беше проследен со интензивни врнежи од дожд и силен ветер со брзина и до 200 километри на час. Затворени се училиштата и некои деловни објекти, а повеќето летови од локалните аеродроми се откажани.

Коину се движи кон западните провинции Гуангдонг и Фуџиан во јужна Кина и се очекува постепено да слабее.