Домашна храна и незаменливиот вкус на традицијата
И во тешки економски услови има купувачи на здрава домашна еколошка храна. Пелагониските повозрасни домаќинки и нивните ретки млади наследнички преку манифестацијата „Незаменливиот вкус на традицијата“ уште еднаш презентираа дел од македонската храна и автентичните вкусови кои се пренесуваат од генерација на генерација …
Конзумирањето на здрава храна е половина здравје. Само подготвеното со еколошка суровина, без употреба на адитиви и конзерванси нуди можност да се почувствуваат автентичните вкусови.
По рецепти пренесувани од колено на колено младата земјоделка Виолета Јаневска од семејните разновидни овоштарници веќе неколку години подготвува најразновидни прехранбени производи за кои редовно има купувачи.
Брашно, квасец, вода и сол се основните елементи од кој можат да се произведат многу прехранбени продукти од тестенина. Вкусот е многу е поразличен на произведеното дома од она во индустријата, вели Ѓорѓи Тошев.
Од Организацијата на жени велат дека овие манифестации треба поттикнувачки да делуваат на младите домаќинки, во кујните се почесто да ги применуваат ваквите рецепти.
Економските услови можеби секогаш не дозволуваат да се вкуси посакуваното но факт е дека во време кога се бориме за поздрав живот мора самите да дадеме придонес преку изборот на исхраната.
Стевче Митревски