Премиерот Ковачевски утре ќе учествува на Самитот на лидерите на Берлинскиот процес

Премиерот Ковачевски утре ќе учествува на Самитот на лидерите на Берлинскиот процес, што ќе се одржи во Тирана. Во состав на владината делегацијата е вицепремиерот Маричиќ. 

Во агендата на Самитот е интегрирањето на регионов во единствениот пазар на ЕУ, како и поддршката за зелената и дигиталната транзиција. Ќе се разговара и за постигнувањата во рамки на Берлинскиот процес, за заокружувањето на Европската интеграција, како и за влијанието на иницијативата врз регионалната соработка. Ќе се потпише и договор за признавање на професионалните квалификации на медицинските сестри, ветеринарните хирурзи, акушерките и фармацевтите.

На самитот, освен лидерите од регионов, ќе учествуваат германскиот канцелар Шолц, претседателката на Европската комисија Фон дер Лајен, претседателот на Европскиот совет Мишел, како и други европски државници.