Фатени дилери на дрога во Битола, заплената во вредност од речиси 10 илјади евра

Полициски службеници од криминалистичката полиција при СВР Битола од слобода ги лишиле 42 годишниот М. С и 30-сет годишната С. К и двајцата од Битола откако по пообемната акција извршена на повеќе локации при извршениот претрес во нивните домови со судска наредба била пронајдена и одземена поголема количина на кокаин и валута во висина од околу 10.000 евра.

Од битолската полиција велат дека оваа акција е позначајна, бидејќи се прекинува еден ланец за продажба на кокаин. Инаку, напорите во спречувањето на злото на денешницата ги поткрепуваат и со сработеното во оваа година.

Ваквите информации со загриженост ги примаат повозрасните, кои и самите почувствувале дека особено младата популација е сериозно загрозена.

Тие се едногласни во поддршката, полицијата уште пожестоко да тргне во откривање на поголемите дилери, но рака на внимание да стават и родителите доколку не сакаат нивните деца да влезат во канџите на белата чума.

Стевче Митревски