Маричиќ го осуди терористичкиот напад во Брисел

Вицепремиерот за европски прашања Бојан Маричиќ го осуди терористичкиот напад во Брисел, во којшто имаше двајца убиени и еден ранет.

„Срцето на Европа е повторно цел на тероризам и радикализам, што претставува директен напад врз европските и демократски вредности на Европа, врз нејзиниот мир и безбедност“, напиша Маричиќ, кој порача дека земјава стои заедно со европските партнери, обединети во борбата со тероризмот.

Вицепремиерот информира дека македонската делегација во Брисел, која е таму за скрининг-процесот, не е загрозена.