„Пензионерите пеат“ по трет пат во Штип
Оваа манифестација има за цел да ги промовира традиционалните песни и ора, но и да покаже дека на луѓето од трето доба, сеуште може да се смета...
Пензионери од десетина здруженија од цела Македонија одржаа концерт во Штип. На концертот беа изведувани староградски нумери.
100-тина пензионерите од 9 здруженија од Македонија во Штип организираа концерт на староградски народни песни.
„Ова е одлична можност да се дружиме и да се запознаеме меѓусебно“, изјави Љупчо Груевски, од Здружението на пензионери од Кичево.
За настапот, повеќето хористи вежбале макотрпно.
„Песните ги вежбаме два – три месеци“, потврди Иван Драјков од Здружението на пензионери од Неготино.
Изборот на песни беше различен, ама сите беа со призвукот староградски.
„Нашиот крај има карактеристични песни, таква е песната Кога си бевме млади“, рече Ангелина Темелкова од Здружението на пензионери од Неготино.
„Го заробиле малој моме е карактерситична песна посветена на Гоце Делчев и заслужува да биде изведена овде“ , сметаат Симеон Христовски, од Здружението на пензионери Неготино и Панче Ќурчиев, од Здружението на пензионери од Велес.
Инаку, манифестацијата „Пензионерите пеат“ се одржува по трет пат и има за цел да ги промовира традиционалните песни и ора, но и да покаже дека на луѓето од трето доба, сеуште може да се смета.
Оливера Жежова