Бугарија ќе добие казна поради Јужен тек?!

Со изградбата на дел од гасоводот Јужен Тек, Бугарија  ги крши правилата на ЕУ и Европската комисија ќе преземе мерки тоа да не го дозволи, соопшти синоќа околу полноќ, претседателот на Европската комисија Жозе Мануел Баросо, велејќи дека за тоа ги известил и лидерите на земјите на ЕУ кои заседаваа во Брисел.

Баросо на конференцијата за печат истакна и дека  тоа му го ставил до знаење и на бугарскиот премиер Пламен Орешарски  со кого разговарал во Брисел.