Кандидатите за амбасадори во вторник на Комисија

Во вторник пред Комисијата за надворешна политика седум кандидати за амбасадор ќе ги презентираат проектите и плановите за идните дипломатски активности со што се очекува да финализира постапката за нивно заминување во амбасадите.

Предлог за прв дипломат во Бразил е Игор Попов – дипломат од кариера. Професорот Никола Тупачевски, поранешен министер за правда, заминува во Белград, а драматургот и писател Сашко Насев во Кина.

На листата се и имињата на Илбер Села, кој треба да замине во Берлин, а Андреј Жерновски во Букурешт. Во Израел и Полска амбасадори ќе бидат Шпенд Садики и Јасмин Ќахил, двајцата вработени во МНР.