Почнува имунизацијата против сезонски грип
На повеќе вакцинални пунктови од утре почнува вакцинацијата против сезонски грип, за ризичната група граѓани. Вакцините се бесплатни, обезбедени од Министерството за здравство...
Здравствените работници во пунктовите се подготвени, вакцините се пристигнати, почнува имунизацијата против сезонски грип.
Граѓаните од ризичните групи кои се пријавиле на интернет- страницата „vakcinacija.mk“, ќе добијат СМС порака за точниот датум, час и место за вакцинирање. Сите пријавени граѓани ќе ја добијат нивната вакцина.
Со бесплатната вакцинација ќе бидат опфатени следните ризични групи: лица над 65 години, пациенти со хронични заболувања, здравствени работници, бремени жени, децата на возраст од 6 месеци до 5 години. Оние кои сѐ уште не се пријавиле за имунизација може да го сторат тоа во наредните денови.
Во државата се пристигнати вкупно 60.000 дози четиритипни вакцини против сезонски грип, наменети за бесплатна вакцинација.
Наташа Јанчиќ Менковски