Вакцинацијата против сезонски грип се одвива во најдобар ред, пријавени над 30 илјади граѓани
Обезбедени се 60 илјади дози од четиритипната вакцина.
Започна вакцинацијата против сезонски грип и се одвива во најдобар ред, соопшти денеска претседателот на Комисијата за заразни болести, Александар Петличковски.
„Ги следиме препораките од Светската здравствена организација за почеток на вакцинацијата во октомври. Би било убаво годинава да забележиме пораст на опфатот со што би се приближиле до препораката од СЗО за опфат од 75 проценти“, нагласи Петличковски.
Обезбедени се 60 илјади дози од четиритипната вакцина.
„Во моментот на северната хемисфера доминира инфлуенца тип А. Очекуваме вакцината да ги покрие циркулирачките варијанти. Засега има добар одзив, веќе над 30 илјади граѓани пројавиле интерес да се вакцинираат“, додаде Петличковски-соопштуваат од Министерството за здравство.