Продолжува потрагата по убиецот од Мејн

Повеќе од 350 полицајци сè уште трагаат по напаѓачот кој уби најмалку 18 и рани 13 лица во масовно пукање во куглана и бар во градот Левистон во американската сојузна држава Мејн. Извршен е претрес во неговиот дом при што полицијата пронашла порака за којашто инспекторите сè уште се обидуваат да го утврдат значењето.

40 годишниот осомничен,Роберт Кард, е обучен инструктор за огнено оружје и армиски резервист.

Пушката со која е извршен масакрот била легално купена. Според властите, ова е најсмртоносното масовно пукање во САД годинава.