Алкараз ќе настапи на Мастерсот во Париз

Светскиот рекет број 2, Карлос Алкараз, најави дека ќе настапи на Мастерс турнирот од серијата 1000 во Париз, кој е на програмата од 30 октомври до 5 ноември.

Алкараз ќе настапи и на завршниот Мастерс на кој ќе се соберат најдобрите осум светски тенисери од 12 до 19 ноември во Торино.

Поради болки во грбот и стапалото, 20-годишниот шпански тенисер го откажа настапот на турнирот во Базел оваа недела.

Последниот настап Алкараз го имаше на 11-ти овој месец кога во полуфиналето на Мастерсот 1000 во Шангај беше поразен од Григор Димитров.