Осомничениот за масовното пукање во Мејн пронајден мртов
Неговото тело е пронајдено во градот Лизбон во реон на објект за рециклирање отпад каде што работел. Кард ја носел истата облека што ја носел за време на нападот...
Осомничениот за масовното пукање во американската сојузна држава Мејн, во кое беа убиени 18 лица, е пронајден мртов, потврди гувернерката на државата Мејн, Џенет Милс.
Потрагата траеше повеќе од два дена. Осомничениот е идентификуван како Роберт Кард, 40-годишен резервист. Неговото тело е пронајдено во градот Лизбон во реон на објект за рециклирање отпад каде што работел. Кард ја носел истата облека што ја носел за време на нападот.
Тој изврши самоубиство, изјави Мајкл Сашак, началник на Одделот за јавна безбедност во Мејн.
Кард со полуавтоматско оружје нападна луѓе во ресторан и куглана вечерта на 25 октомври во градот Левистон. Во престрелката имало 13 повредени. Според локалните медиуми, Кард најверојатно имал психички проблеми.