Партиите за датумот за изборите

Опозициската ВМРО-ДПМНЕ апелира да не се прават непотребни трошоци и вториот круг од претседателските да се одржи со парламентарните избори, бидејќи еден месец ништо не менува, а ќе се заштедат пари.

Оттаму укажуваат дека никогаш досега Министерството за правда не одлучувало за датум за избори, туку тоа го прават Собранието и партиите застапени во него.

Опозиционерите ја повикаа владејачката СДСМ да седнат на маса и да се договорат. Социјалдемократите се на ставот дека изборите треба да бидат одвоени и во редовниот термин.