Кривични пријави за ограбувачите на бензинските „Макпетрол“ во Велес

Шестмина велешани од кои еден малолeтник биле ограбувачите на бензиските пумпи на Макпетрол. Полицијата до Обвинителството поднесе кривични пријави, а надлежниот суд на полнолетните лица им изрече мерка притвор. Тие веќе се наоѓаат во Истражниот затвор Скопје. Осомничените претходно не се пријавувани за кривични дела.

Како што информира портпаролот на СВР, Велес Анита Стојковска, пријавите се поднесени поради основи за сомнение дека сторителите во два наврата ја ограбуваа бензинската пумпа на „Макpетрол“, на 29 декември 2013 година и на 26 март 2014. На пумпите лоцирани на улиците „Алексо Демниевски“ и „Димитар Влахов“ со закана со нож, од вработените одзеле вкупно 126.359 денари.