Продолжуваат гранатирањата во Газа
Израел ја интензивира операцијата против милитантите на Хамас, трупите за кои Тел Авив тврди дека напредуваат, се веќе длабоко навлезени на територијата на Појасот...
Изутрината продолжија жестоките напади на израелските одбранбени сили во Газа. Израел ја интензивира операцијата против милитантите на Хамас, трупите за кои Тел Авив тврди дека напредуваат, се веќе длабоко навлезени на територијата на Појасот.
Премиерот Нетанјаху изјави дека не се согласува на примирје бидејќи тоа би значело предавање на Хамас и на тероризмот. Ова е време за војна, рече Нетанјаху. И милитантите на Хамас одбиваат прогласување примирје додека не се формира палестинска држава.
Од друга страна хуманитарната катастрофа во енклавата се продлабочува. Цивилите и натаму без доволно основни прехранбени производи, води и лекови.