Изложбата со дигитални графики „PUSH THE SKY AWAY“ во КИЦ

Во Културно информативниот центар во Скопје вечер во 20 часот ќе биде отворена изложбата со дигитални графики „PUSH THE SKY AWAY“ на Соња Димовска.

Изложбата е мисловно и потопливо искуство кое навлегува во сложените теми на човечката состојба и нашето место во универзумот – почнувајќи од паркот, пред или зад вашата зграда, во вашето маало, населба, или во паркот на авторката Соња Димовска, таму меѓу гранките е метафората за оттурнување на небото како претстава за ослободување од ограничувањата, моќно одекнувајќи со поетска интроспекција и контемплација, наведува проф. Лазе Трипков во осврт за изложбата.

„Push the Sky Away: A Monochromatic Reverie“, стои во најавата, е визуелно и емотивно искуство кое ќе ве остави со чувство на интроспективно чудо и благодарност за убавината што може да се најде во монохроматските длабочини на постоењето.

Настанот е дел од културна понуда на Град Скопје Европска престолнина на културата 2028.

Фото:/ КИЦ