Нови случаи на труење со газирани пијалаци во Хрватска

Хрватскиот Државниот  инспекторат ги повлече сомнителните газирани пијалаци од пазарот, откако по пријавениот случај со труење во Риека, се појавија уште неколку во Загреб и Вараждин.

Досега седум лица побарале медицинска помош со симптоми на хемиски повреди на устата, непцето, хранопроводот и желудникот, по консумирање безалкохолни пијалаци.

Здравствените власти соопштија дека само двајца од пациентите пиеле ист пијалак. Дополнија дека нема место за паника, но е потребна внимателност и дека сите институции работат на случајот. Во меѓувреме, членовите на групата „Фортен“ ги повлекоа пијалаците од Кока-Кола како мерка на претпазливост.