УКЛО побогат за тројца научни истражувачи
Од денес битолскиот универзитетот „Св. Климент Охридски“ е побогат за тројца научници и истражувачи со врвни достигнувања и три невладини организации кои имаат висок меѓународен рејтинг. Со нив денес е потпишан Меморандум за соработка, а беа прогласени и најдобрите научници на УКЛО.
На Светскиот ден на науката, за прв пат од своето постоење УКЛО ги отвори вратите за сите оние кои се занимаваат со научно-истражувачка дејност, а досега делувале надвор од рамките на Универзитетот.
Дополнителна вредност е тоа што првоизбраните научно-истражувачки работници се од областа на медицината и нивните трудови веќе се евидентирани во престижните светски списанија.
Граѓанска иницијатива од Скопје свој придонес ќе даде во научното истражување и популаризација на македонското културно наследство.
За првите луѓе на ректорската управа, ова е само чекор во настојувањето да се прошири орбитата со акумулација на што поголем број на научници.
Инаку покрај потпишувањето на Меморандум за пристап кон УКЛО мрежата, беа доделени и награди за најдобрите научници од Универзитетот
Стевче Митревски