ФБИ ги заплени телефоните на градоначалникот на Њујорк, ја истражува соработката со Турција

Агентите на ФБИ заплениле телефони и електронски уреди на градоначалникот на Њујорк, Ерик Адамс. Станува збор за истрага поврзана со финансирањето на неговата кампања и сомнежот за корупција.

Со истрагата треба да се утврди дали Адамс во кампањата во 2021 година, се договарал со турската влада и со турски државјани. Адвокатот на Адамс рече дека тој активно соработува со истражните власти.

Минатата недела, агенти на ФБИ упаднаа во домот на собирачот на средства за кампањата и запленија компјутери, мобилни телефони и документи.