Крушево за празниците нуди туристичка и историска приказна
Туристичко и историско Крушево годинава со двојно повеќе туристи и посетители и за празниците и за зимската сезона нуди туристичка, но и историска приказна. И двете со еднаква љубопитност посетителите сакаат да ги слушаат …
Крушево за празниците е резервирано пред два месеца. И туристички и историски нуди богато искуство. Борис Маркоски од историскиот музеј, во Македониумот секојдневно ги пречекува гостите да им ја раскаже приказната за монументот кој во Европа е меѓу 10-те најспецифични споменици на културата.
За првпат, по 50 години од изградбата, низ документи и фотографии на осум паноа ја нуди историјата – од неговото издигнување и симболиката до денешните очекувања за монумент од врвен национален интерес.
Пет децении постојано имало барање да се отстранат аномалиите, особено обнова на витражните прозорци за кои е неопходна странска помош.
Приказната за Македониумот, симболот на историското Илинденско минато е вечна. Туристите со намален интерес сакаат да ја слушаат. И во празнични и во делнични денови.
Елизабета Митреска