Укинат притворот на осомничените за случајот во М-НАВ

На шестмината инволвирани во инцидентот во македонската навигација се укинати мерки притвор и куќен притвор. Обвинителството денеска извести дека предлогот го доставил до судии на претходна постапка при Основниот кривичен суд, кој истиот го прифатил. За тројца осомничени има забрана за напуштање на живеалиштето, одземање на патна исправа и забрана за издавање нова. Судот дал обврска тројцата осомничени да се јавуваат редовно во судот.

На 4-ти јануари, осомничените упаднаа во контролата на летање и се товарат за загрозување на безбедноста како и напад врз вработени. Поради инцидентот националниот оператор за воздухопловна навигација доби и ново раководство.