СДСМ од Охрид објави сет нови прислушувани разговори

СДСМ и во Охрид презентираше нови единаесет прислушувани аудио-записи. Претседателот на Општинската организација, Томислав Тунтев при тоа рече дека станува збор за изборни нерегуларности, притисоци врз неистомислениците, планови за урбанизација на Студенчишкото блато, но и за апсење на поранешниот градоначалник на Охрид.

„Јавноста ќе го слушне она што охриѓани добро го знаат. Дека за време на локалните избори во 2013-та сите државни институции биле злоупотребени за партиски интереси на ВМРО-ДПМНЕ. Дури биле ангажирани параполициски структури“, изјави Томислав Тунтев, претседател на ОО СДСМ- Охрид.

Вечерва СДСМ ќе одржи „Марш на вистината“ низ охридската чаршија, а потоа на градскиот плоштад ќе се обрати лидерот, Зоран Заев.

Сашо Нелоски