Нападнати и ограбени 18 илегални мигранти од Сирија

На 17.04.2015 година околу 01.00 часот во нива во скопското село Студеничани, од страна на пет лица, облечени во маскирни униформи, била запрена група од 18 илегални мигранти од Сирија и под закана со огнено оружје од нив одземени биле 335 евра, 8.000 денари и 2 мобилни телефони.

 

За време на разбојништвото, соопшти денеска МВР, употребено било и огнено оружје од страна на едно од  петте лица и притоа повреден е еден од сириските државјани во пределот на левата надколеница и истиот се здобил со телесни повреди. Веднаш потоа, од страна на сириските државјани совладано било лицето кое пукало, одземено му било оружјето и бил предаден во полициска станица. Се работи за Б.Ш.(20) од село Студеничани. Повредениот сириски државјанин со возило на ИМП бил пренесен во УЦ-Скопје, каде му се констатирани телесни повреди и е задржан на понатамошно лекување. Против Б.Ш. по брза постапка ќе биде поднесена соодветна кривична пријава, додека пак по останатите лица интензивно се трага.