Средба Николоски - Брасер: Бојкотот на Парламентот е недозволив

На заедничката средба, како што бевме информирани од Македонската парламентарна делегација,  беше констатирана високата посветеност и активното учество на македонската собраниска делегација во ПС на Советот на Европа.

Веднаш по средбата, пратеникот Николоск, инаку шеф на македонската делегација при Парламентарното собрание ја даде следнава изјава:

„Претседателката Брасер се интересираше за актуелните политички случувања во Македонија, притоа целосно се интересираше за причините за бојкотот на опозицијата во македонското Собрание, како и за последните скандали со прислушувани разговори. Констатиравме дека бојкотот на парламентот е недозволив од било која политичка партија, дека местото на опозицијата е во парламентот, дека без разлика дали некој добива или губи на избори, треба да е во парламентот“, вели Николоски.

На средбата шефот на македонскаат делегација при ПССЕ, Александар Николоски и упати покана на г-ѓа Брасер да ја посети Република Македонија, нагласувајќи дека досега сите претходни претседатели на Парламентарното собрание во текот на нивниот мандат ја посетиле нашата држава. Таа изразила благодарност и со задоволство ја прифати поканата да ја посети нашата земја, штом нејзината агенда тоа го дозволи.

Тони Гламчевски, дописик од Франција за МРТ