СДСМ од Велес објави нов сет аудио- разговори
Нов сет прислушкувани разговори денеска опозициската СДСМ објави од Велес. Презентирани беа четири телефонски разговори. За вечерва СДСМ најавува протестен марш...
Од Ликовниот салон во Велес, опозициската СДСМ објави нов сет прислушкувани разговори. Беа презентирани четири телефонски разговори за кои СДСМ тврди дека се помеѓу високи државни функционери и новинари кој според опозицијата укажуваат на незаконско работење.
„Директната контрола на власта над обвинителството и партиската сервилност на Зврлевски, одела дотаму што функционерите на ВМРО-ДПМНЕ можеле да си нарачаат и притвор за некои свои сограѓани“, рече Панче Иванов, претседател на СДСМ Велес.
СДСМ во Велес вечерва организира и протестен марш на кој е најавено дека ќе присуствува и Зоран Заев.
Дијана Иванова