Првата група туристи од Бенелукс утре пристигнува во Охрид

Во Охрид, утре, на охридскиот аеродром „Свети Апостол Павле“, со чартер лет стигнува првата група туристи од земјите на Бенелукс. За туристите од Белгија, Холандија и од Луксембург, како и досега, со македонски обичаи ќе биде организиран соодветен пречек.

Нова група туристи во Охрид, стигнува и на 10-ти мај. Според тур-операторите, продажбата на аранжманите во македонскиот ерусалим пораснала за 30 насто, за разлика од лани.

На Охридската ривиера се очекува годинава да летуваат околу 25 илјади туристи од Бенелукс.