Зелена енергија: Ќе се градат 19 нови мали хидроцентрали

Дополнителни 20 мегават часови електрична енергија од обновливи извори ќе обезбедат 19 нови мали хидроцентрали. 12 концесионери потпишаа договори користење на речните води. Ќе градат на различни локации. Најдоцна за три години треба да почнат производство на зелена енергија. 23 години ќе стопанисуваат со капацитетите.  

„Хидроген енерџи груп ќе инвестира 5 милиони евра во четири мали хидроцентрали. Очекуваме дека овој период следната година ќе почнат со производство на зелена енергија“, изјави Предраг Чеверикиќ, претставник од компанијата Хидроген енерџи груп.

Ова е дел од шестиот тендер за мали хидроелектрични централи  со кој е планирана изградба на 80- тина со инсталирана мокност од 63 мегавати. Светската банка во Македонија има детектирано вкупно 400 локации на кои може да се градат вакви капацитети за еколошко прозиводство на струја. Со новите концесии во касата ќе се слеат 150 милиони денари.

„Со потпишувањето на овие договори, ќе се обезбедат дополнителни 20 мегавати електрична енергија од обновливи извори“, изјави министерот за животна средина и просторно планирање, Нурхан Изаири.

Изградбата на малите хидроцентрали ке го зголеми процентот на искористување на обновлиите извори на енергија, ќе ја подобри животната средина. 20- тина милиони евра од буџетската каса се идвојуваат за инвестиции во водостопанската инфраструктура, изградени се 24 мали хидроцентрали , во фаза на градба се 20- тина.

Сузана Фиданска- Стоевска