Европски политичари: Опозицијата да користи демократиски стредства

Македонската опозиција да почне со користење на демократски средства, а не да го копира словенечко- бугарското сценарио за насилно уривање на централно-десничарската Влада во земјата. Ова е пораката на пратеникот во Европскиот парламент, д-р Милан Звер на однесувањето на СДСМ во Република Македонија и обидите за насилно превземање на власта...

„Тековните настани во Македонија се Дежа Ву, нешто веќе видено од слични методи што се користеа во соборувањето на централно-десничарската влада и во една друга земја, како што е Бугарија. Тоа е причината зошто ние треба да погледнеме на овие настани во Македонија во еден поширок контекст. Јас би сакал демонстрациите во Македонија да завршат и опозицијата да почне со користење на демократски средства“, порача словенечкиот европратеник д-р Милан Звер.

Во врска со случајот повредените полицајци на протестот пред Владата се огласи пратеничката во германскиот Бундестаг, Карин Стренц. Преку писмена декларација изрази жалење и повика политичките актери во земјата итно да најдат одржливо решение за криза.

„Го поддржувам правото на мирни протести и слободата на изразување. Во исто време ги осудувам насилните протести и злоупотребата на оваа демократска алатка. Насилните протести се против демократијата и владеењето на правото и против европската иднина на Македонија. Го повикувам Социјалдемократскиот сојуз на Македонија (СДСМ) да не поттикнува и да не организира насилни протести. Се надевам дека добрите економски перформанси со највисок раст на БДП во првиот квартал од оваа година во Европа, како што е наведено од страна на ЕУ,  ќе бидат проследени со релаксирана и демократска политичката атмосфера во земјата“, стои во декларацијата на пратничката во Бундестагот, Карин Стренц.

Овие две реакции се продолжение на обидите од ЕУ за скоро надминување на состојбата.

Сунчица Николоска