Светските агенции известуваат за судирите во Куманово

Странските агенции известуваат за судирите во Куманово. Агенцијата „Ројтерс“ ја цитира министерката Јанкулоска, дека ситуацијата на теренот останува многу критична и оти акцијата ќе продолжи се додека не биде „фатен и последниот терорист“.

Француската новинска агенција „Франс прес“ наведува дека Sрбија испраќа дополнителни сили на границата со Косово и со Македонија. Новинската агенција „Асошиејтед прес“, информирајќи за ситуацијата во Куманово, ја пренесува изјавата на министерката за внатрешни работи Јанкулоска дека терористичката група влегла во Македонија од една соседна земја, и оти планирала да ја искористи сегашната политичка ситуација и да изведе напади врз државни институции.

„Асошиејтед прес“ ја пренесува и изјавата на американската амбасада во Скопје во која, меѓу другото, се бара граѓаните да останат мирни.