Земјата да се обедини- порачува европарламентарецот Танок

Силна осуда за терористичкиот напад во Куманово од еврпратеникот од владејачката конзервативна партија на Англија, Чарлс Тенок. „Не е момент за ловење на партиски поени во време кога државата е нападната од надворешна агресија“, изјави Танок  за македонската телевизија.

„Цврсто стојам зад Владата на премиерот Груевски, во неговата намера за борба и заштита од заканите  и  за зачувување на националната безбедност. Треба да има договор за национален консензус во време на национална итност. Ова не е време за партиска политика, туку време за да им  се даде отпор на надворешната агресија и на  провокацијата, да се обедини земјата и повторно да се воспоставуват  мир, просперитет и национална безбедност“, изјави Тенок.

Европратеникот од редовите на партијата на британскиот премиер Камерон верува во македонскиот судски систем кој е зрел за да се справи со ситацијата и пред лицето на правдата да ги изнесе оние кои извршиле криминално дело против државата.

Јасна и недвосмислена порака и од Марија Петир пратеничка која доаѓа од најмоќната европска парламентарна партија.

„Го осудувам таквиот напад и барам од надлежните институции, пред се во Европската Унија да застанат зад Македонија, за да заврши оваа агонија, и да пратат недвосмислена порака до Македонија која е подготвена за започнување на преговорите. Бараме од Комисијата и од Советот на Европа да ги отворат прегoворите за Македонија“, вели Петир.

Пријателите на Македонија во Европскиот парлемент порачуваат- воздржаност од било какво физичко и вербално насилство и единство на македонскиот народ со цел зачувување на бебзедноста и територијалниот интегритет на нашата земја.

Марина Стојанова- Тонева, постојан дописник од Брисел за МРТ