Почна лидерската средба на четирите најголеми партии

Во Клубот на пратениците во Скопје, почна средбата на лидерите на четирите најголеми партии:  Никола Груевски од ВМРО-ДПМНЕ, Зоран Заев од СДСМ, Али Ахмети од ДУИ и Мендух Тачи од ДПА.

Како набљудувачи на средбата, присуствуваат амбасадорот на САД, Џес Бејли и шефот на мисијата на ЕУ во Македонија, Аиво Орав. Средбата се одржува зад затворени врати.

Премиерот Груевски е придржуван од министерот за надворешни работи Никола Попоски, Зоран Заев од Рената Дескоска Треневска, Али Ахмети од Артан Груби, а Мендух Тачи од Беким Фазлиу.

Лидерската средба е на заедничка иницијатива на четирите најголеми парламентарни партии и со поддршка на меѓународната заедница, а се оценува како уште еден чекор за надминување на политичката криза во земјава.