Кавадарчанец ја нападнал сопругата со секира

Педесет и осумгодишен жител на Кавадарци ја нападнал неговата 59-годишна сопруга со секира нанесувајќи и повреди во пределот на главата, соопшти МВР.

Во Полициската станица Кавадарци вчера во 15:50 часот кавадарчанецот самиот пријавил дека ја нападнал неговата сопруга со секира.

Жената е пренесена во ЈЗУ Општа болница Кавадарци, од каде поради сериозноста на повредите е префрлена во Градска хируршка клиничка болница „Наум Охридски“ во Скопје.

Полицијата презема мерки за расчистување на настанот.