Утре нова лидерска средба, во вторник разговорите продолжуваат во Стразбур

Лидерите на најголемите политички партии во земјава утре повторно ќе седнат на заедничка маса да разговараат за излез од актуелната состојба.

Ден потоа, Груевски и Заев ќе заминат во Европскиот Парламент во Стразбур, каде што ќе се сретнат со европарламентарците на нивно барање.

На средбата ќе се разговара за решение за излез од политичката криза. Од двете партии се воздржани и не сакаат да зборуваат за овие иницијативи.

Пред да се оствари оваа средба, утре Советот за надворешни работи на Европската Унија ќе излезе со единствен став во врска со случувањата во Македонија и со пристапот кој треба да се преземе.