Европски Парламент: Демократијата да се врати во земјата

Главната порака која ја испратија европските парламентарци од расправата за ситуацијата во Македонија е дека демократијата мора да се врати во земјата и дека политичарите мора да сносат одговорност.

„Во оваа ситуација мораме да бидеме сведоци на промисленост политичка одговорност и засилен политички дијалог. Ова мора да биде демонструирано од сите страни на политичкиот спектар и од различните етнички групи. Во земја со толку големи предизвици, важно е функционирањето на демократските институиции“, вели Кукан, нагласувајќи дека Парламентот е вистинската платформа за тоа.

Инаку самата дебата на моменти изгледаше веќе видено во Европскиот парламент, каде од една страна дел од грчките и бугарските европратеници ја користат старата реторика, околу името и добороседските односи, најмалку зборувајќи за темата за која се расправаше, па дури на крајот дојде и до расправа меѓу претседавачот и најстариот европратеник Емануле Глезос околу процедурална постапка.

„Нашата заедничка политичка иницијатива е во тек, важно е да се зачува констуктивен пристап од двете страни за да таа инцијатива ги постигнат целите“, изјави еврокомесарот Стилианидес Кристос.

Иво Вајгл од своја страна вели дека позициите на ВМРО-ДПМНЕ и СДСМ навистина остануваат многу разлики, но, сепак, се постигна консензус за некои важни почетни точки за продолжување на политичкиот дијалог - во формат на шефови на главните македонски партии во Скопје и посредничката мисија во Европскиот парламент во соработка со комесарот Хан. Според слоевнечкиот европратеник, во изјавата за Радио Словенија, тоа било ставено на хартија во еден вид нон-пејпер.

„Во тој нон пејпер се содржани начелата и насоките за начинот на решавањето, но за тоа нема да зборувам бидејќи таак се договоривме. Тој политички процес нема да биде јавен“, рече Вајгл.

Словенечкиот европратеник изјави дека Груевски и Заев свесни дека кризата бара фокусирање на политичкиот дијалог.

Тони Гламчевски, дописник од Стразбур за МРТ