Според магазинот „Форбс“- Минчо Јорданов е најбогат Македонец

Магазинот „Форбс“ ја објави листата на најбогати бизнисмени на Балканот. На врвот на табелата се хрватите Ивица Тодориќ, сопственик на Агрокор, веднаш по него е Бранко Роглиќ, основач на компанијата за дистрибуција Орбико, како и Емил Тедески, газдата на Атлантик група.

Со заработка од 463,7 милиони евра на четврто место е српскиот бизнисмен Миодраг Мишковиќ, сопственик на Делта Холдинг. Петтото место е резервирано за брачната двојка Иза и Само Логин, сопственици на компанијата специјализирана за мобилни апликации.

Во Македонија, трета година по ред најбогат е Минчо Јорданов, со 26,4 милиони евра удел во металуршки и градежни фирми, а втор е првиот човек на Макпетрол, Андрејa Јосифовски со 22,5 милиони долари.