Безбедносните предизвици бараат реформи и регионална соработка

Македонија и регионот се соочени со нови безбедносни предизвици. Близината на Блискиот Исток и младите луѓе кои одат таму да војуваат заблудени од некои идеи ги отвораат ризиците од терористички напади, како оние од Зворник и Куманово. Поради тоа се потребни реформи во безбедносниот систем, но и регионална соработка.

„Што секако е предизвик за безбедносните органи и за науката,да идентификуваат во кои сегменти потфрлил системот и што е она што треба да се поправи. Апсолутно мислам дека реформи се неопходни“, изјави Цане Мојаноски, Факултет за безбедност-Скопје.

„Таа соработка практично постои во проектот во кој сум јас вклучен. Европската Унија ја финансира таа соработка на неколку држави од балтичкиот регион и на неколку организации во тие држави“, вели Горан Батиќ, Босна и Херцеговина.

Ние како држава треба да имаме одговор за она што се случи во Куманово, а не меѓународната заедница, беше речено на конференцијата.

„Во секој случај ние како земја треба да имаме одговор, значи не треба меѓународната јавност, меѓународната заедница или меѓународните фактори да решаваат за прашања од нашата безбедност. Најдобро е тоа сами да го направиме“, смета Жидас Даскаловски, Факултет за безбедност- Скопје.

Решавањето на прашањето со името е еден од условите за поголема безбедност, сметаат експертите.

„Ние имаме една нелегална ситуација и сега мора да ги направиме сите можни чекори во ОН нелегалната референца БЈРМ да се смени во Република Македонија“, вели Игор Јанев, Институт за политички студии- Белград.

Досега под уставното име не признале 134 држави, а се очекува тоа да го направат уште десеттина. Поради тоа, смета Јанев- Македонија има голема можност преку Генералното Собрание на ОН да го надмине овој проблем.

Сашо Нелоски