Кривична пријава за поранешен декан на Стоматолошкиот факултет

Поранешен декан на скопскиот Стоматолошки факултет незаконски давал специјализации на државна сметка. Од Финансиската полиција заработи кривична пријава.

Осомничен е за финансиски малверзации, што ги направил во периодот од 2010-та до 2012-та година. На шестмина доктори- специјализанти им го простил надоместот за специјализација што требало да го платат.

Спротивно на законот и статутот полагале за да добијат уверение без намирување на пропишаниот долг.

Со ваквите постапки деканот ја олеснил буџетската каса на факултетот за 55 илјади евра.