Утре во Брисел- средба меѓу еврокомесарот Хан и лидерите на најголемите политички партии

Утре во седиштето на Европската комисија, еврокомесарот за проширување и соседска политика, Јоханес Хан на средба со лидерите на најголемите политички партии во Mакедонија.

Состанокот доаѓа по одржаната лидерска средба во Скопје на 2-ри јуни на кој беше договорено до крајот на април идната година да се одржат предвремени парламентарни избори.

Присуството на средбата го потврди и лидерот на СДСМ, Зоран Заев, кој деновиве изјави дека нема да оди во Брисел. Причина беше како што рече Заев, ставот на Хан во однос на изборите во Македонија лани и дека во оваа фаза еврокомесарот бил пристрасен.

Неодамна Хан и Заев имаа и телефонски разговор во кој еврокомесарот за проширување ги потврдил ставовите според извештајот на ОБСЕ/ОДИХР дека парламентарните избори генерално биле добро спроведени, со нотирани одредени недостатоци во изборниот процес.

Се очекува утре да биде постигнат договор за спорните точки и надминување на политичката криза во земјава.