Хан на Твитер: Клучен ден да се најде трајно решение и да се тргне напред
За разлика од најавите средбата почна со заеднички состанок на лидерите на 4-те најрелевантни политички партии со еврокомесарот Хан...
„Ова е клучен ден да се најде трајно решение и да се тргне напред“, напиша на Твитер еврокомесарот Јоханес Хан пред почетокот на средбата во Брисел со четворицата лидери на најголемите македонски политички партии.
За разлика од најавите средбата почна со заеднички состанок на лидерите на 4-те најрелевантни политички партии со еврокомесарот Хан. На разговорите присуствува и известителот за Македонија во Европскиот Парламент, Иво Вајгл.
Портпаролот на Европската Комисија, Маја Коцијанчич, официјално потврди дека претпладнево во Брисел почнала лидерската средба за надминување на политичката криза во земјава. Таа појасни дека тоа е продолжување на разговорите од Скопје.
Former Yugoslav Republic of #Macedonia:"Crucial day f. country's leaders to solve political crisis sustainably+ using chance to move ahead!"
— Johannes Hahn (@JHahnEU) June 10, 2015