Нови цени: Бензините поскапуваат, дизелот поевтинува
Цената на Еуросупер 96 се зголемува за 1 денар и изнесува 71,5 денари за литар. За денар и половина поскапува и 98 октанскиот бензин и ќе се продава за 73,5 денари за литар...
Од ноќеска на полноќ – нови цени на нафтените деривати. Бензините поскапуваат, а дизелот поевтинува. Цената на Еуросупер 96 се зголемува за 1 денар и изнесува 71,5 денари за литар. За денар и половина поскапува и 98 октанскиот бензин и ќе се продава за 73,5 денари за литар.
Дизелот, пак, поевтинува за половина денар, па од полноќ ќе се продава за 56,5 денари. Со пониска цена ќе биде и екстра лесното масло за домаќинство.
Од Регулаторната комисија за енергетика објаснуваат дека во изминативе две недели, референтните цени кај бензинот се зголемиле за 3,35%, а кај дизелот се намалиле за 0,32 отсто.