Со „Македонија вработува“ работодавачите ги прошируваат бизнисите
Во Битола досега преку проектот „Македонија вработува“, работно место обезбедиле над педесет лица. Една четвртина од нив се во категоријата од 50 до 58 години. Поволностите ги поттикнуваат работодавачите и да ги прошируваат бизнисите...
Желбата за вработување е присутна кај секој невработен човек. Но кога тоа ќе се случи на само неколку години до исполнувањето на условот за одење во пензија чувството е посебно, вели 57 годишната Гордана Лукич. Новопечената овластена сметководителка е една од десетината битолчани со над педесет години возраст на кои проектот „Макадонија вработува“ им го врати работното достоинство.
„Немам зборови колку сум среќна што ќе можам и понатаму работно да придонесувам и по пет години во пензија да заминам со крената глава“, вели новопечената овластена сметководителка, Гордана Лукич.
Ослободителните пакети од неколкугодишно неплаќање на придонеси за некого е потик вработувањето да го поврзат и со отварање на сопствен бизнис.
„Со еден од минатите пакети купив пчелни семејства, а со овој најнов пакет го легализирав бизнисот преку отварање на продавница за здрава храна“, вели младиот управител Менде Николовски.
Со интересни приказни и дел од работодавачите. Наташа Лукич која пред шест години се самовработила преку еден од пакетите вели дека олеснителните мерки и овозможиле денес да бице сопственик на мини компанија со пет вработени.
„Со оглед на нашата дејност добро сум упатена кон секоја новина и досега максимално ги користам што вроди со уште четири нови работни места во мојата мини компанија“, вели Наташа Лукич.
Иако проектот е во почетна фаза резултатите се задоволувачки.
Во повеќе битолски компании, со проектот „Македонија вработува“ досега работно мрсто обезбедиле педесетина лица, половината се со основно, а останатите со средно и високо обраџование.
Раздвиженоста во центарот за вработување е доволен сигнал за зголемениот интерес.
„Секојдневно стигаат нови апликаци интересот е голем од страна на сите категории“, вели Јешим Сејфуловска, раководител на Центарот за вработување Битола.
Оптимисти се дека и овој проект ке биде успешен како предходниот кој стимулираше вработување на лица до 29 години и по тој основ во Битола се вработија окулу 450 млади луѓе.
Стевче Митревски